kon sina li suwi;
oko li mani kule.
sijelo li pona awen
lon supa lape.
taso ala li olin
li pona li musi.
lawa sina li mi ala
li nasin pi mun sewi.
o awen! mi wile jo
e telo pimeja namako
la mi tawa telo.
mama mije li lanpan
li pana tawa sina
e nasin pi wile suli
e nasin utala.
ona li lawa e ma ona
li weka e jan ike.
mu ona li kama lili
li toki wile e ale.
o awen! mi wile jo
e telo pimeja namako
la mi tawa telo.
jan sama en mama meli
li lukin sama sina
li sona e kama ken
li sitelen ala.
pilin li pini ala.
mu li sama waso suwi.
pilin li sama telo
li pimeja li suli.
o awen! mi wile jo
e telo pimeja namako
la mi tawa telo.